Perdeyê siyasî yê ki hetê netewedewleta
mezganê kurdan û heme şaranê rojakewtena mîyanen de agêriyayî bi de
Mexsedê korbîrênî estîbî. Modernîteyê Kapîtalîstî bi awan kerdena netewe
dewleta no korbirê çinêkerdene aşana û heqîqeta şaranê rojakewtena.
Mejuya şaran, netewan baweriyan/olan çînan bi têkoşîna
xopawitene, xo ray vistene û verdewameya estbîyayena xoya degrotê ya. Bi
nê tewgêrayenana mejuyên tîtikneyaya rîpelan dê mejuya raşt ro. Na
tîtik nayene kiştên ra vîr û bawerîya merdim, kom, cemat, şar, netewe û
bawerîyan de veta beyntar kişta bîne ra zî şaristaniya ki kapîtalîzmî
devîsta xîzmetê xo, çimeyê ci înkar kerdo, zey îcadê xo mojnayo
merdimeyî veta beyntar.
Her vetene, awankerdene û viraştina ki biya
kariteyîya merdimeyî de arîq, gonîya têkoşeran esta. Bi no cehd û bina
tewgerayena merdimeyî daraxê xebata xo berdo berz û resnayo menzîlanê
neweyan.têkoşîna şarê kurdî de zî veten, viraşten, resnayen û caardenê
ki bi tîpanê zerdênana tîtikneyayê mêjuya kariteyî ro estê. Nê veten û
resnayenî bi cehdêno bêhema, bi xo verrodayenêna bênimune ya livdaranê
şarê kurdî ya vijyayê beyntar/mabên.
Vijyayena fikrî û babetê nê
awankerdenanê erjan babetê wela x ora welidnayene yo. Nê vijyayenî heman
wext de serkewtena kurdê xo ver ro derî mojnenê merdimeyî. Merdimeyî na
awankerdene de, na mojnayene dev rihê amyayenên da newê vinena.
A
amyayena/dahatûya ki cuya komelkî ya kominale-ehlaqî politike xo mîyan
de nimnena. Bi arizî şerê kurdî na mojnayene de dirnesyena perdeyanê
siyaya yê ki mezgê ci de agêriyayî bi vinenê. Dirnayena nê perdeyan aya
biyayena hewnê mergi ra yo. Na ayabiyayene zî çimeyê kariteyiya têkoşîna
xoseriyî, o çimeyo ki bi deste moderniteyê kapitalistî ya pesneya bî
teqnena.
Mexsedê netewdewlete asanayena korbîran aPerdeyê
siyasî yê ki hetê netewedewleta mezganê kurdan û heme şaranê
rojakewtena mîyanen de agêriyayî bi de mexsedê korbîrênî estîbî.
Modernîteyê Kapîtalîstî bi awan kerdena netewe dewleta no korbirê
çinêkerdene aşana û heqîqeta şaranê rojakewtena mîyanen de dirbetê xorî
akerdî û seweta ki nê dirbetî nimiteyî bimanê raşteya şaran deviste
korbir ro.
Netewe dewelete nê kerdenanê xo de qurbano tewr veren
şarê kurdî weçinabî, welatê Kurdistanî zey kadawraya serkewtenan
netewedewlete, maseyê operasyonê xo sero rakerdibi. La şarê kurdî wayîrê
sir û qiwetê ol û baweriya Zerdeştî yo.
Roj ame ki “Kerwano ki Hz.
Yusuf korbirî ra vet” raştû şarê kurdî ame. Erjo ki kakilê heqiqeta şarê
kurdî xo mîyan de nimneno korbîr ra vijya û zey rojê rojakewtena
mîyanêne akewt, bi berz û perdeye siyayî pêro dirnayî. Tîjiya nê rojê
akewteyî, hem zerriya şarê kurdî hem zî mezgê şarê kurdî roşn kerd. Şarê
ma verniya xo dÎ, mejuya xo ya ki bi destanê leyminana amaya
dimlatkerdene sero serwext bî. Bi na diyene û biyayena çimeyê îniyê
têkoşîna xo xurt kerd.
Mexsedê pergala netewedewlete eşkere û verçim
o. No mexsedo korbirên de zemine çinêkerdena şarên bi tewrê erjanê ci yê
komelki, kariteyî û mejuyî virazê. No zemîn de çinêkerdena şarêno ki
wayirê karitenêna/çandêna derg û dila ya nimiteyo. Talankerdoxanê
Kurdistanî bin o plana waştêne ki heme erjanê şar û welate kurd û
Kurdistanî defînê dilqêno zûrayî mîyan.
Bi no dilqa çimeyê têkoşîna şari bipeysnê, heqîqete dimlaşt kere û zey malê xo bimojnê merdimeyî.
Seweta
ki nê planê xo de bi ser kewê vere verikan zerri û mezganê merdimanê
kurdan de perdeye sîyayî afrotî; ziwan, karitene û mejuya şarê kurdî
înkar kerdî. Bi nê kerdenana amyayena şarê kurdî mij û moranî mîyan de
verdê. Bi nê plananê leyminan û mexsedanê xincikinana erjanê şarê kurdî
rê korbîrî asanayî.
Çimeyê têkoşîna şarê kurdî wela xora cuyenaHomayanê
netewe dewlete aqilmendanê moderniteyê kapîtalîstî welatê ma Kurdistan;
cayo ki kitabanê pîrozan rê biyo çimeyê ilhamê tasfiranê cinnetî
açarnayî cehenemê şarê kurdî. No cehennem de erjê ki bi nameye şarê
kurdiya vijyayê mabên eştî adirê nê cehennemîb mîyan, kerdî mele ki vay
de, bide vayê xezebê xo ver.
Êverê erjanê şarê kurdî de na xirabeya
ki hetê dewê Lewîathaniya ameye kerdene riyê nê dinyayi şero nêvineyaya.
Xirabeyêna winî bi ki bi heme hetiya perçekerdene, cêservistene û mabên
ra hewadayene amêbî plankerdene. Erjê şarê kurdî têverê nê kerdenanê
gormestênan de xeylevên fini xewriyayî/bi xoya şî, kewti, weristî û ge
ge adiri mîyan de ray girote.
Nê biyayenan vero raybaza
erjanê/livdaranê şarê kurdî xoverodayene kerdi felsefeye cuya xo û
raybaza wela xora welidnayene esas girote. Na raybaze sero vatenêna
Zerdeştê kali ya ki vernikayi 3-4 hezari serran vatibi yen ama viri.
Zerdeştê kali wina vatibi; “Sewata ku xirabeyi beyntar/maben ra hewadeyo
gani ma xo verro bide.”
Têvere Ehrimanî de raybaza Ahûra MazdaFelsefeyê
Zerdeştî felsefeyo tewr veren odiali yo. Na na dialiyeyi de homayê
tariyeyî û roşnayî estê. Ehriman homayê tariyeyî yo. Homayê zilm zor û
talankereyi yo. Ahûra Mazda homayê roşnayî, homayê xo ver ro dêran o. Xo
ver ro dêrê şaranê bindestan bi baweriya Ahûra Mazda ya wexto ki xo ver
ro dayene de ganê xo feda bikerê do finakî cuya yena wela xo ra
welidnayene bivinê.
Ewro roj goreyê têkoşîna şarê kurdî ya ki rojane mejuya xoverodayene nusnena de na raybaza Ahûra Mazda newedera cuyêna.
Her
ki têkoşîna şarê kurdî ya seweta erjanê xo yê netewî bena berze dişmenê
şarê kurdî bene vêşî û livdarê şarê kurdî zî wela x ora cuyênên çar
parçeyanê Kurdistanê de, têverê hêzanê talanker û hegemonîkan de
têkoşîna awankerdena cuya xoserî berz kene.
Desthilatdariya dewletdare dimlaştkerdena heqîqet a Bi
daneyanê mejuya kariteyi ya ki hêtê erdkendoxana vinyaya beyntar de
tespit biyo ki desthilatdariya dewletdare bi komela hiyerarşîya dest pey
kerda. Komela hiyerarşikê neheqeyî sero bi binpayi kerdena erjanê
cinî/dayika awan biya. No riwal ra yo ki hîmê desthilatdariya dewletdare
de zilm, zor, hîle û înkar esto. Bi nê kerdenanê teverê merdimeyi ya,
bi awayêko bêexlaq desthilatdariya dewletdare awan biya. Hîmêno ki
neheqîyî sero awan bo bi heqwerdana xo keno warî. O hîm yan ki a pergale
teniya şen abi darê zilm û zoriya estbiyayena xo her roj vijêna ma
vernî.
SÎNAN SUTPAK
